Umunya-Argentine akaba na rutahizamu wa Paris St Germain yo mu Bufaransa, Lionel Messi yasanganywe Covid-19 kimwe n’abandi bakinnyi batatu b’iyi kipe.
Lionel Messi yasanganywe Covid-19
Kuri iki Cyumweru, tariki 2 Mutarama 2021, nibwo PSG yatangaje ko yasanganywe ubwandu bwa Covid-19, bityo akaba agomba kuguma mu kato kugeza igihe azagaragaza ko nta bwandu akifitemo.
Uretse Lionel Messi, hari abandi bakinnyi batatu ba PSG banduye Covid-19 aribo Juan Bernat, Nathan Bitumazala and Sergio Rico.
Umutoza mukuru wa Paris St Germain, Mauricio Pochettino, kuri iki Cyumweru mu kiganiro n’itangazamakuru yavuze ko Lionel Messi agomba kuguma mu kato aho ari iwabo muri Argentine akazagaruka hamwe n’abandi ubwo azaba yagaragaje ko nta bwandu bwa Covid-19 agifite.
Lionel Messi yiyongereye kuri Neymar Jr nawe utari gufasha iyi kipe kubera imvune, aba bose bakaba batazagaragara mu mukino wa shampiyona y’icyiciro cya mbere mu Bufaransa uzahuza PSG na Lyon ku wa 9 Mutarama 2021.
Lionnel Messi w’imyaka 35 yageze muri Paris St Germain mu Bufaransa avuye muri Barcelona yo muri Espain, amaze kuyitsindira igitego kimwe muri shampiyona na bitanu muri UEFA Champions League. Ni mu mikino 16 amaze gukinira iyi kipe.
Ukeneye kwamamaza! Gusobanuza! Gutanga amakuru? Hamagara 0788772818
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NKURUNZIZA Jean Baptiste
UMUSEKE.RW
