Malawi: Uwari Perezida Peter Mutharika ashobora kugana inkiko

 1,080 total views,  1 views today

Uwahoze ari Perezida wa Malawi, Peter Mutharika yatangaje ko agiye kugana inkiko nyuma y’uko konti za banki ze n’iz’umugore we zifatiriwe n’urwego rushinzwe kurwanya ruswa mu gihugu.

Inkuru y’ikinyamakuru Nation ivuga ko muri Kanama uyu mwaka aribwo konti z’umuryango wa Mutharika zafatiriwe. Abanyamategeko ba Mutharika bavuze ko amezi atatu urwo rwego rwari rwasabye ngo rukore iperereza yarangiye ariko konti ntizifungurwe.

Urwego rushinzwe kurwanya ruswa ruri mu iperereza ku mafaranga yagiye ava kuri konti ya Mutharika mu buryo budasanzwe, aho bihuzwa n’isoko ry’imifuka ya sima 800 000 yinjijwe mu gihugu bivugwa ko yanyerejwemo imisoro.

Ibyo byaha byakozwe hagati ya 2018 na 2019 ubwo Mutharika yari akiri Perezida. Mutharika ahakana ibyaha akekwaho.

Mutharika yavuye ku butegetsi muri Kamena uyu mwaka nyuma yo gutsindwa n’uwo batavugaga rumwe, Lazarus Chakwera.

Leave a Reply

Your email address will not be published. Required fields are marked *