Connect with us

World News

Rudy Giuliani: Umunyamategeko wa Trump ari mu bitaro nyuma yo kumusangamo Covid-19

 1,378 total views,  3 views today

Perezida Donald Trump avuga ko umunyamategeko we Rudy Giuliani bamusanzemo Covid-19.

Perezida Trump yanditse kuri Twitter ati: “Nkwifurije koroherwa vuba Rudy, tuzakomerezaho!”

inkuru ya BBC ivuga ko. Bwana Giuliani amaze igihe ayobora ibikorwa byo mu rwego rw’amategeko by’itsinda ryari rishinzwe kwamamaza Trump, byo kwamagana ibyavuye mu matora ya perezida yo muri uyu mwaka wa 2020.

Ni we wa vuba aha cyane basanzemo Covid-19 mu bari bugufi ya Bwana Trump.

Perezida Trump n’abo mu itsinda rye rya hafi, bamaze igihe banengwa kwirengagiza amabwiriza ajyanye no kwirinda coronavirus. Bwana Trump yari ayirwaye mu kwezi kwa cumi.

Bwana Giuliani, w’imyaka 76, yajyanwe ku bitaro bya Medstar byo kuri Kaminuza ya Georgetown biri i Washington DC, nkuko ibitangazamakuru byo muri Amerika bibivuga.

Mu butumwa bwo kuri Twitter, uyu wahoze ari umukuru w’umujyi wa New York yashimiye abamwoherereje ubutumwa bwo kumwifuriza koroherwa vuba, avuga ko arimo “koroherwa vuba”.

Umuhungu we Andrew Giuliani ukora mu biro bya perezida bya White House, na we basanzemo Covid-19 mu kwezi gushize, yanditse kuri Twitter ko se “arimo kuruhuka, yitabwaho neza cyane kandi ameze neza”.

Ntabwo biramenyekana niba Bwana Giuliani agaragaza ibimenyetso by’iyo ndwara cyangwa igihe yayanduriye.

Muri Amerika abantu barenga miliyoni 14,7 banduye Covid-19, nkuko imibare ya Kaminuza ya Johns Hopkins ibigaragaza. Muri bo abarenga 282,000 yarabishe.

Iyo ni yo mibare ya mbere iri hejuru cyane ku isi.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in World News