America: Umuti witwa “Molnupiravir”ku isonga mu kuvura Covid 19

 1,026 total views,  1 views today

Ubushakashatsi bwakozwe na Kaminuza yigisha ubumenyi bw’ibinyabuzima yo muri Leta ya Georgia muri Amerika, bwagaragaje ko umuti witwa MK-4482 / EIDD-2801 cyangwa Molnupiravir, wabashije guhagarika ikwirakwira rya Coronavirus mu gihe cy’amasaha 24.

Ubushakashatsi bwakozwe kuri uyu muti bwatangajwe mu kinyamakuru Nature Microbiology bugaragaza ko Molnupiravir ariwo muti wa mbere ushobora guhangana na SARS-CoV-2 ukayibuza gukwirakwira, iva ku muntu wawuhawe ayirwaye ku buryo atakwanduza undi.

Bwakorewe ku nyamaswa zijya kumera nk’imbeba, aho nyuma yo kuziha uwo muti, byagaragaye ko wahise uhagarika ikwirakwira rya Coronavirus. Izo mbeba zashyizwe ahantu hamwe n’izindi zitahawe uwo muti, aho ubushakashatsi bwagaragaje ko muri izo zindi zitari zahawe umuti nta n’imwe yigeze yandura.

Dr. Robert Cox uri mu bakoze ubu bushakashatsi, yatangaje ko kuba izo nyamaswa ubusanzwe byaragaragaye ko zikwirakwiza Coronavirus, ariko nyuma yo guhabwa umuti ntibibe, ari ikimenyetso cy’ibishobora kuba ku muntu mukuru mu gihe yaba awukoresheje.

Ugerageje gusobanura icyo ubushakashatsi bwabonye, ni uko mu gihe umurwayi wa Covid-19 ahawe uyu muti, mu gihe cy’amasaha 24 iyi virus iba idashobora kugira undi muntu wo ku ruhande ifata. Muri make uwawuhawe nta muntu aba ashobora kwanduza.

Uyu muti ubu uri mu cyiciro cya kabiri n’icya gatatu cy’igerageza. Uri kugenzurwa harebwa niba umurwayi ashobora kuwuhabwa buri masaha 12 mu gihe cy’iminsi itanu.

2 thoughts on “America: Umuti witwa “Molnupiravir”ku isonga mu kuvura Covid 19

  • January 13, 2021 at 3:17 pm
    Permalink

    I am actually thankful to the owner of this site who has shared this great paragraph at here. Marketa Garrett Hortensia

    Reply
  • January 21, 2021 at 5:48 pm
    Permalink

    I am sure this post has touched all the internet people, its really really good

    Reply

Leave a Reply

Your email address will not be published. Required fields are marked *