Connect with us
Amerika: Urundi rukingo rwatanze icyizere mu gukingira COVID19 ku kigero cya 95% rwakozwe na Moderna

Health

Amerika: Urundi rukingo rwatanze icyizere mu gukingira COVID19 ku kigero cya 95%

 286 total views,  3 views today

Kompani Moderna yo mu gihugu cya Leta Nzunze Ubumwe za Amerika cyakoze urukingo rushobora kurinda umubiri w’umuntu kwandura icyorezo cya Coronavirus ku kigero cya 95% nyuma y’isuzumwa ryakozwe ku bantu 30,000 mu gihugu , 1/2 cyabo bahawe doze ebyiri mu byumweru bine, abandi bahabwa umuti umeze nkarwo aho byatanze icyizere kiri hejuru.

Nyuma y’izindi nkingo ziherutse gutangazwa ko zikingira icyorezo cya COVID-19 ku kigero cyo hejuru ku buryo bitanga icyizere mu kuzabona urukingo.

Moderna na ziriya kompanyi ebyiri, zose zakoresheje ubushakashatsi bugezweho mu kugera ku nkingo vuba.

Moderna ivuga ko uyu ari “umunsi uhebuje” kandi bagiye gusaba uburenganzira bwo gutera abantu uru rukingo mu byumweru biri imbere.

Gusa, nubwo byatangajwe ntabwo biremezwa n’igihugu cya Leta Nzunze Ubumwe za Amerika cyangwa Umuryango Ushinzwe Ubuzima (OMS).

Urukingo rwa Sputnik V ruherutse gutangazwa n’Abarusiya ko rwakozwe nabo rwatanze icyizere ko rufite ubushobozi bwo gukingira umuntu kuri 92%, Mu gihe hari hatangajwe urundi rukingo rwa mbere rwakozwe n’Amerika Pfizer na BioNThec rwagaragaje mu isuzuma ryakorewe mu bihugu nka Argentine, Brazil, Afrika y’Epfo, Amerika, Ubudage na Turikiya rukagaragaza ko rukingira umuntu ubwandu bwa Covid19 ku kigero cya 90%.

Mu isuzumwa ryakorewe ku bantu mu gihugu byerekanye ko abahawe uru rukingo rwa nyarwo muri bo nta wigeze agira Covid19 y’igikatu.

Iyi nkuru nziza yatangajwe na Tal Zaks ukuriye ibikorwa by’ubuvuzi muri Moderna aho yagize ati: “Ubushobozi bwarwo bwo gukora buratangaje…uyu ni umunsi uhebuje, mu byo twakozwe biragaragaza ko nta myaka rugenderaho waba ukunze cyangwa udakuze rwose rufite ubushobozi bwo guhangana na Covid”.

Nubwo hatangajwe aya makuru meza y’uru rukingo biteganyijwe ko ruzatangira guhabwa abantu mu by’umweru biri imbere, nubwo hamaze gukorwa doze zingana na miliyoni 20 ari narwo ruteganyijwe guhabwa abantu gusa iyi kompani igatanga icyizere cyuko umwaka utaha ruzaba rumaze gukora dore miliyari ku bantu ndetse iyi kompani ikaba iteganya kwaka uburenganzira ku bindi bihugu ku buryo rwatangira kurusaranganya.

Ariko kandi ntibiramenyekana niba rurinda abantu kuremba kubera Covid, cyangwa se rubarinda no kuyanduza.

Ibyo ni ibibazo bizagendana uko urukingo rwa coronavirus ruzagenda rukoreshwa mu minsi iri mbere.

Amerika: Urundi rukingo rwatanze icyizere mu gukingira COVID19 ku kigero cya 95% rwakozwe na kompani ya Moderna

Urundi rukingo rwatanze icyizere mu gukingira COVID19 ku kigero cya 95% rwakozwe na kompani ya Moderna

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in Health