Connect with us

Health

Abantu 12 banduye COVID-19 mu Rwanda, mugihe nta muntu wakize

 180 total views,  3 views today

Kuri uyu wa gatatu tariki ya 4 Ugushyingo 2020 itangazo rya Minisante ryatangaje ko abantu 12 aribo basanzwemo ubwandu bushya bwa Coronavirus mu Rwanda, mugihe nta murwayi n’umwe wakize.

Mu bipimo bishya byafashwe bingana 980 byagaragaje ko abantu 12 aribo banduye COVID-19 gusa Minisante ikavuga ko bavuye mu Mujyi wa Kigali, ndetse no mu nkambi ya Kirehe.

Itangazo riragira riti:’’ Kigali:5, Kirehe:7 (abapimwe mu nkambi y’impunzi’’

Minisante yagaragaje ijanisha ku bantu bapfa kuri iki cyorezo cya COVID-19 mu Rwanda ndetse n’ijanisha ku bantu bandura icyorezo igendeye ku mibare igenda igaragara.

Aho ijanisha ku bantu bandura igeze kuri 1.2% ndetse ijanisha ku bantu bapfa ikaba iri kuri 0.7% ku bakira ikaba igeze kuri 95%.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umuntu ugaragaza ibimenyetso bya Coronavirus birimo inkorora, guhumeka nabi, gucika intege n’ibindi, Umurongo ukwiriye kwitabaza utishyurwa ni 114 kugira ngo ahabwe ubufasha n’abaganga.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in Health