Abantu 2 bo mu mujyi wa Kigali bishwe na COVID-19 mu Rwanda

 217 total views,  1 views today

Uyu munsi mu Rwanda hongeye  kwitaba Imana abantu babiri bazize icyorezo cya Coronavirus bakaba bose babarizwaga mu mujyi wa Kigali, Ni mugihe habonetse abarwayi bashya  banduye 9 icyorezo cya Coronavirus hakaba hakize abantu 30 umunsi umwe.

Ni mugihe mu bipimo bishya byafashwe 1 400 byagaragaje ko 9 aribo banduye COVID-19 gusa Minisante ikavuga ko bavuye mu Mujyi wa Kigali ndetse no mu Karere ka Nyamagabe na Nyagatare.

Itangazo riragira riti’’Kigali:5, Nyagatare:2, Nyamagabe:2’’

Minisante yihanganishije imiryango y’abanyarwanda babiri babuze ababo umwe akaba yarafite imyaka 44 undi nawe afite 46 bose bakaba bari batuye mu mujyi wa Kigali

Minisante yagaragaje ijanisha ku bantu bapfa kuri iki cyorezo cya COVID-19 mu Rwanda ndetse n’ijanisha ku bantu bandura icyorezo igendeye ku mibare igenda igaragara.

Aho ijanisha ku bantu bandura igeze kuri 0.6% ndetse ijanisha ku bantu bapfa ikaba iri kuri 0.6% ku bakira ikaba igeze kuri 64%.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

INKURU BIJYANYE Y’URUPFU W’UMWANA WA MUSHIKI W’UMUHANZI THE BEN WAHITANYWE NA COVID-19 MU RWANDA

https://mwamba.rw/2020/09/25/umwana-wa-mushiki-wumuhanzi-the-ben-yahitanywe-na-covid-19/

Leave a Reply

Your email address will not be published. Required fields are marked *