Mu bipimo 2158 byagaragaje abarwayi 10 banduye COVID19 hakira 55 mu Rwanda

Uyu munsi mu Rwanda habonetse abarwayi bashya 10 banduye icyorezo cya Coronavirus, Mugihe hongeye gukira umubare munini w’abantu ba COVID19 aho abantu 55 bayikize neza bagataha mu miryango yabo nkuko byatangajwe na Minisante.

Ni mugihe mu bipimo bishya uyu munsi byafashwe 2 158 byagaragaje ko abantu 10 aribo banduye ndetse Minisante ikavuga ko bavuye mu Mujyi wa Kigali ndetse no mu Karere ka Nyamagabe na Nyagatare.

Itangazo riragira riti’’ Kigali:6,
Nyamagabe:3, Nyagatare:1”

Minisante yagaragaje ijanisha ku bantu bapfa kuri iki cyorezo cya COVID-19 mu Rwanda ndetse n’ijanisha ku bantu bandura icyorezo igendeye ku mibare igenda igaragara.

Aho ijanisha ku bantu bandura igeze kuri 0.5% ndetse ijanisha ku bantu bapfa ikaba iri kuri 0.6% ku bakira ikaba igeze kuri 64%.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Kuva umurwayi wa mbere wa COVID-19 agaragaye ku wa 14 Werurwe 2020 mu Rwanda, Hamaze kuboneka 4 789 banduye mu bipimo 483 441 bimaze gufatwa, 3 050 barayikize mu gihe imibare yabakiri kwitabwaho n’abaganga igeze ku 1 712; abantu makumyabiri n’abarindwi nibo bamaze kwitaba Imana bazize icyorezo cya COVID19.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

24.09.20 Amakuru Mashya | Update

*Kigali:6, Nyamagabe:3, Nyagatare:1 pic.twitter.com/2IoaGqvkdj

— Ministry of Health | Rwanda (@RwandaHealth) September 24, 2020