COVID-19: Habonetse abarwayi bashya banduye 41 hakira 4

Uyu munsi mu Rwanda hongeye kugaragara umubare usa nuri hejuru kuko abantu 41 aribo basanzwemo icyorezo cya Coronavirus, mugihe umubare w’abakize nawo utigeze uba munini hakaba hakize bane gusa.

Mu itangazo rya Minisante yagaragaje ko abarwayi bashya 41 bobonetse abenshi ari abiganje mu bibasiwe kurusha abandi mu mujyi wa Kigali ndetse n’abapimwe mu bashoferi bambukiranya imipaka.

Ni mugihe mu bipimo bishya byafashwe 2 273 byagaragaje ko 41 aribo banduye gusa Minisante ikavuga ko bavuye mu Mujyi wa Kigali ndetse no mu Karere ka Nyamagabe na Nyagatare yongeye kwibasirwa n’abatwara imodoka zambukiranya umupaka.

Itangazo riragira riti’’Kigali:12 (bapimwe mu bibasiwe kurusha abandi,), Nyagatare:26 (abatwara amakamyo yambukiranya imipaka), Nyamagabe:3

Minisante yagaragaje ijanisha ku bantu bapfa kuri iki cyorezo cya COVID-19 mu Rwanda ndetse n’ijanisha ku bantu bandura icyorezo igendeye ku mibare igenda igaragara.

Aho ijanisha ku bantu bandura igeze kuri 1.8% ndetse ijanisha ku bantu bapfa ikaba iri kuri 0.6% ku bakira ikaba igeze kuri 63%.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

23.09.20 Amakuru Mashya | Update

*Kigali:12 (bapimwe mu bibasiwe kurusha abandi/testing in high risk groups), Nyagatare:26 (abatwara amakamyo yambukiranya imipaka/cross-border truck drivers), Nyamagabe:3 pic.twitter.com/T7PKZwGOAb

— Ministry of Health | Rwanda (@RwandaHealth) September 23, 2020