Connect with us

World News

Mali: Intumwa za ECOWAS zagiranye ibiganiro na Ibrahim Boubacar Keïta

 1,229 total views,  3 views today

Itsinda ry’intumwa z’umuryango w’ubukungu uhuza ibihugu byo mu karere k’Afurika y’uburengerazuba (CEDEAO/ECOWAS) ryasuye Mali, nyuma y’ihirikwa ry’ubutegetsi ryabaye ku wa kabiri.

Ni itsinda riyobowe na Goodluck Jonathan wahoze ari Perezida wa Nigeria.

Ryagiranye ibiganiro n’agatsiko k’abasirikare kafashe ubutegetsi, ndetse rihura na Ibrahim Boubacar Keïta ako gatsiko kahiritse ku butegetsi.

Ibiro ntaramakuru AFP bisubiramo amagambo ya Bwana Jonathan agira ati:

“Twamubonye, ameze neza cyane”.

Yongeyeho ko ibiganiro n’agatsiko k’abasirikare kafashe ubutegetsi birimo kugenda neza kandi ko afite “icyizere cyinshi”.

CEDEAO yakomeje gusaba ko Bwana Keïta asubizwa ku butegetsi, ariko ababarirwa mu bihumbi mu baturage ba Mali bigabije imihanda yo mu murwa mukuru Bamako ku wa gatanu, bagaragaza ko bashyigikiye ihirikwa ry’ubutegetsi.

Na mbere yuko ahirikwa, hari hashize amezi haba imyigaragambyo y’abatavuga rumwe n’ubutegetsi basaba ko Bwana Keïta yegura.

Bavuga ko ari we ntandaro y’ubukungu bwasubiye inyuma, ruswa no kunanirwa gutsinda intagondwa zigendera ku mahame akaze ya kisilamu.

Related Topics
Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in World News