Connect with us

World News

Chine yikomye Amerika kuzana Coronavirus

 690 total views,  3 views today

Mu gihe Coronavirus ari icyorezo cyugarije Isi, kikaba cyarazahaje igihugu cy’Ubushinwa, Umuvugizi wa Leta y’Ubushinwa muri Minisiteri y’Ububanyi n’Amahanga, Zhao Lijiian kuri uyu wa Kane yashinje igisirikare cya Leta Zunze Ubumwe z’Amerika kujyana iyi virusi mu mujyi wa Wuhan.

Intero yabaye inyikirizo ku bimaze iminsi bivugwa ko Coronavirus yageze mu mujyi wa Wuhan izanwe n’abasirikare ba Leta Zunze Ubumwe z’Amerika ubwo bari baje mu mikino y’Isi ya Gisirikare y’abasiganwa n’amaguru yabereye mu Mujyi wa Wuhan mu gihugu cy’Ubushinwa.

Ku rukuta rwe rwa Twitter, Umuvugizi wa Leta muri Minisiteri y’Ububanyi n’Amahanga, Lijiian mu magambo asharira yanditse mu rurimi rw’Icyongereza yavuze ko ingabo za Leta Zunze Ubumwe z’Amerika zitagaragaza ukuri ku byabaye.

Uyu muyobozi ati”Ni ryari nta murwayi wigeze uboneka muri Leta Zunze Ubumwe z’Amerika? Ni bangahe se banduye? Amazina y’ibyo bitaro byabakiriye ni ayahe? Birashoboka ko ari igisirikare cy’Amerika cyazanye icyorezo muri Wuhan. Mube inyangamugayo. Mushyire iyo mibare ahabona. Leta y’Amerika igomba kuduha ibisobanuro.”

Mu gitondo cy’uwo wa Kane kandi mugenzi wa Zhao mu buvugizi bwa Minisiteri y’ububanyi n’amahanga, Geng Shuang yari yanenze ubuyobozi bwa Leta Zunze Ubumwe z’Amerika ku magambo bavuze bagaya ingamba Beijing yafashe iyishinja kugira uruhare mu gukwirakwira kwa Coronavirus ku isi.

Kuri ubu urubuga Worldometer rugaragaza ko abakekwaho Coronavirus ku isi ari 136,343 imaze guhitana 4,995 abamaze gukira ni 70,437 ni mu gihe Ubushinwa 80,814 bavugwaho iyi virusi abandi 3,177 imaze kubivugana naho 64,151 barayikize.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in World News