Connect with us

Education

Karongi: Abanyeshuri 13 ba Christian University bapfundikiye amasomo yabo

 1,119 total views,  3 views today

Kuri uyu wa Gatatu tariki ya 16 Ukwakira 2019, Abanyeshuri ba Mbere bo muri Kaminuza ’Christian University of Rwanda (CHUR) i Karongi, babimburiye abandi gupfundikira amasomo yabo y’ikiciro cya kabiri cya Kaminiza.

Mu rugendo rwo guteza uburezi imbere Christian University of Rwanda, imaze kuba ubukombe butiganwa mu gutanga uburezi bufite ireme kandi buhamye, bamwe mu mfura zayo 13 bakoze ku mugaragaro umuhango wo gupfundikira amasomo yabo (Defense), imbere y’abarimu ndetse n’abayobizi ba Kaminuza ku kicaro cyayo i Karongi.

MUTABARUKA Lucien ni umwe mu banyeshuli basoje amasomo yabo y’icyiciro cya kabiri cya Kaminuza (A0) mu icungamutungo (Finance), avuga ko bitari byoroshye kumara imyaka 3 yiga. “bisaba ubwitange ndetse n’umurava.”

Ati:“Bisaba imbaraga nyishi n’ubwitange kugira ngo ugere kuri iki cyiciro mbonye, abayobozi bacu batubereye imfura batuba hafi bakatwunganira muri byose. Kugira ngo dusoze neza ni uko twari dufite abarimu b’inzobere baduhozagaho umutima…” Akomeza ashishikariza abandi banyeshuri kujya kwiga muri CHUR kuko batanga ubumenyi umuntu atasanga ahandi.

MUHAWENIMANA Clemantine na we wigaga ibijyanye n’icungamutungo, avuga ko bafashijwe no kuba ishuri ribegere kuri we akaba asanga nta mpavu yo kujya kwiga kure kuko CHUR yabatekerejeho ikabazanira ishami hafi.

Ati:”Ndashimira CHUR yadutekerejeho, ntibyari byoroshye kubona ishuri hafi, ariko ubu nshoje amashuri yanjye ntishe akazi nakoraga , kuba mbonye impamyabumenyi ni iby’ igiciro, ubu ngiye gushaka akandi kazi kisumbuyeho kuko narinsanzwe nkora”.

SALONGO Umuyobozi uhagararariye CHUR i Karongi avuga ko aba banyeshuri bagaragaje ubwitange budasanzwe, anagaragaza ko ari amahirwe ku batuye i Karongi by’umwihariko Intara y’Uburengerazuba ndetse n’ahandi kuba baregerejwe iyi kaminuza.

Agira ati:”Abanyeshuri bacu dufite uyu mwaka barenga 315 harimo abiga ku manywa, nijoro, muri wikendi ndetse n’abiga umunsi wose, uyu munsi rero hashoje abanyeshuli 12 bigaga icungamutungo turateganya ko mu Kuboza hari abandi nabo bazasoza amasomo yabo”.

Akomeza asobanura ko amarembo afunguye kandi ko ari amahirwe menshi ku ku bantu bari mu Ntara y’Iburengerazuba ndetse n’abahaturiye, kuba baregerejwe Kaminuza ifite uburezi buhamye kandi bufite ireme mu cyerekezo cy’Igihugu n’isi muri rusange.

Salongo avuga ko muri iri shami rya CHUR ryashyizwe muri aka karere ka Karongi byari ukugira ngo rifashe abanyeshuri b’ingeri zose barimo abaturuka mu turere twa Rutsiro, Nyamasheke, Rusizi, Ngororero na Muhanga kugira ngo bige neza kandi bari hafi y’iwabo

Christian University of Rwanda yakira abanyeshuri b’ingeri zose, kandi idashingiye ku idini ahubwo itanga uburezi bujyanye n’indangagaciro nyarwanda zuzuzanya n’iza gikirisitu. Muri CHUR amasomo atangwa ku manywa, ni mugoroba ndetse no mu mpera z’icyumweru.

Menya amwe mu masomo wasanga muri CHUR

- Bachelor of Science (Hons) in Information Technology (IT)

- Bachelor of Science (Hons) in Agribusiness

- Bachelor of Science in Business Management (BBM)

- Bachelor of Science (Hons) in Finance

- Bachelor of Education (BED) in Computer Science

- Bachelor of Education (BED) in English and French

- Bachelor of Education (BED) in Kinyarwanda and Kiswahili

- Bachelor of Arts (BA.Hons) in Journalism

- Bachelor of Arts (BA.Hons) in Mass Communication

- Bachelor of Arts (BA.Hons) in Public Relations

Iyi kaminuza ifasha abayirangirijemo gukora imishinga iterwa inkunga n’ibigo by’ishoramari kugira ngo bashobore kwihangira imirimo. CHUR imaze imyaka ine ikorera mu Rwanda ifite icyicaro i Kigali muri Saint Paul no mu karere ka Karongi mu Ntara y’Iburengerazuba, ikagira kandi ishuri rikuru ry’imyuga riri Kicukiro PPIR.

Izi mfura za CHUR Karongi ziteye intambwe zibikesheje CHUR yiyemeje kubateza imbere mu gihe bari bamaze imyaka n’imyaka nta Kaminuza ibarizwa muri aka Karere.

Iyi kaminuza ikaba ikomeje kwifuriza amahirwe abanyeshuri bari gupfundikira amasomo yabo (Defense), inashishikariza Abanyakarongi. Rutsiro, Ngororero, Nyamasheke na Rusizi kwitabira kwiga muri CHUR!!!

HABUMUREMYI Viateur 

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in Education