Connect with us

ENTERTAINMENT

Kizito Mihigo yagize ubutumwa atanga, ku munsi mukuru w’Intwari abinyujije mu ndirimbo

 281 total views,  3 views today

Umuhanzi Kizito Mihigo umaze amezi ane ahawe imbabazi na Perezida wa Repubulika agafungurwa, mu munsi Mukuru w’Intwari z’u Rwanda, yagize ubutumwa atanga abinyujije mu ndirimbo.

Kanda hano urebe amashusho y’indirimbo uzabe Intwari ya Kizito MIHIGO

Kizito Mihigo yari yarakatiwe igifungo cy’imyaka 10 mu mwaka wa 2013, nyuma yo guhamwa n’ibyaha yashinjwaga birimo icy’ubugambanyi bwo kugirira nabi Ubutegetsi buriho cyangwa umukuru w’igihugu. Abicishije ku rukuta rwe rwa Twitter kuri uyu wa 1 Gashyantare 2019, mu Rwanda hiziwizwa “Umunsi Mukuru w’Intwari z’u Rwanda’; uyu muhanzi aratanga ubutumwa, bugira buti “Uzabe intwari”.

Agira ati “Mwana wanjye uzabe Intwari, Ndagukunda kandi nkunda u Rwanda, niyo mpamvu ngiye kurugutura, uzarubere intwari, uzabe Ingenzi wunganire Imanzi, wuse ikivi cy’Imena”.

Ubu butumwa bwaje bukurikira ubundi yari yasohoye ku wa 31 Mutarama 2019, aho yifuriza umunsi mukuru w’Intwari Abanyarwanda, Umukuru w’igihugu n’abandi bayobozi muri rusange.

Ati “Umunsi mukuru mwiza w’Intwari z’u Rwanda ku banyarwanda bose, duhereye kuri Nyakubahwa Perezida wa Repuburika Paul Kagame n’abandi bayobozi b’igihugu cyacu. Indirimbo yanjye nshya “Uzabe Intwari” iri kuri YouTube. Tuzaba Ingenzi twunganire Imanzi, twesa ikivi cy’Imena”.

Kizito Mihigo ubwo yatabwaga muri yombi muri Mata 2013, ataranagezwa mu nkiko nibwo Minispoc ifite mu nshingano abahanzi n’ibihangano byabo, yasohoye itangazo rigenewe abanyamakuru ko ibihangano bya Kizito bihagaritswe gucurangwa kuri Radio na Televiziyo byo mu Rwanda, kugeza n’uyu munsi n’ubwo yahawe imbabazi na Perezida bikaba bitarakomorerwa.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in ENTERTAINMENT