448 total views, 3 views today
Diamond Platnumz umaze amezi atatu atangaje byeruye ko ari mu rukundo n’umukobwa w’Umunya-Kenya witwa Tanasha Oketch Dona, yavuze ko agiye kumuha akazi muri Wasafi Tv uyu muhanzi asanzwe abereye umuyobozi.
Nairobi News yatangaje ko Diamond agiye guha akazi umukunzi we kubera ko guhora ava muri Kenya ajya Dar es Salaam bimuvuna, akaba azakamuha mu buryo bwo kumugabanyiriza umunaniro yaterwaga n’ingendo yakoraga aajya kumusura.
Diamond ati “We (yavugaga Tanasha) azagira ikiganiro kihariye kuri Wasafi Tv”.
Uyu mukobwa asanzwe ari umunyamakuru kuri NRG radio ikorera muri Kenya.
Mu minsi ishize Diamond aherutse kwerekana umukunzi we mu muryango, ndetse bari bafite ubukwe ku munsi w’abakundana( Ku wa 14 Gashyantare 2019) baza kubusubika.
Icyo gihe yigiza ubukwe inyuma yabwiye Wasafi Tv ko ari kubera ko ashaka kuzakora ibirori by’akataraboneka binogeye ijisho kandi bikitabirwa n’ibyamamare bitandukanye ndetse n’abandi bantu benshi.
