RDC: Irahira ry’umukuru w’igihugu mushya ryasubitswe

 202 total views,  2 views today

Mu gihe byari biteganyijwe ko kuri uyu wa Kabiri, itariki 22 Mutaarama ari bwo perezida mushya wa Congo, Felix Tshisekedi, azarahira, amakuru ava muri iki gihugu aravuga ko byigiijwe inyuma.

Nk’uko bamwe mu begereye Tshisekedi babitangaje, ngo iki gikorwa cy’irahira rya perezida mushya ryigijwe inyuma kubera impamvu z’ibikoresho.

Andi makuru agera ku rubuga 7sur7.cd dukesha iyi nkuru, aravuga ko umuhango w’irahira rya Felix Tshisekedi ushobora kuzaba kuwa Kane, itariki 24 Mutarama 2019.

Intsinzi ntakuka ya Felix Tshisekedi mu matora y’umukuru w’igihugu yabaye kuwa 30 Ukuboza 2018 yemejwe bidasubirwaho n’urukiko rushinzwe kurinda itegeko nshinga kuri iki Cyumweru, itariki 20 Mutarama.

Abacamanza b’uru rukiko bakaba barahaye agaciro ibyibanze byavuye mu matora byatangajwe na komisiyo y’igihugu y’amatora (CENI). Uyu muhungu w’umunyapolitiki wamamaye muri Congo, Etienne Tshisekedi akaba abaye perezida wa gatanu mu mateka ya Repubulika iharanira Demokarasi ya Congo.

Uyu muyobozi w’ishyaka UDPS riharanira demokarasi n’iterambere, akaba agiye gusimbura ku butegetsi Joseph Kabila wari ubumazeho imyaka 17 kuva mu 2001.

Leave a Reply

Your email address will not be published. Required fields are marked *