Connect with us

World News

Gabon: Lt. Kelly Ondo Obiang yatawe muri yombi nyuma yo gufatirwa mu buriri

 199 total views,  3 views today

Ibiro bya Perezidansi y’Igihugu cya Gabon bitangaza ko babiri mu bari batangaje ko bahiritse ubutegetsi bwa Perezida Bongo bishwe barashwe ku munsi w’ejo.

Itangazo ryashyizwe ahagaragara n’Umuvugizi wa Leta y’iki gihugu, Guy-Bertrand Mapangou rivuga ko aba bishwe  ubwo bakozanyagaho n’ingabo za Leta zashakaga  kubambura Radiyo y’igihugu bari bafashe mu gihe bagenzi babo batatu batawe muri yombi.

Radio Mpuzamahanga y’Abafaransa (RFI) yatangaje ko uwari uyoboye iyi coup d’Etat, Lt. Kelly Ondo Obiang yatawe muri yombi nyuma yo gufatirwa aho yari yihishe mu buriri.

Guy Bertrand Mapangou yemeje ko ibintu byagarutse mu buryo muri iri tangazo ati ” Ibintu byatunganye. Abajandarume bari kugenzura buri gice cyegereye radiyo na televiziyo by’igihugu.Muri rusange umwuka umeze neza.”

Mapangou yavuze ko hari abari bashyigikiye ihirikwa ry’ubutegetsi barimo abarwanya ubutegetsi, sosiyete sivile n’abasirikare bakuru bazakorwaho iperereza.Ku rundi  ruhande, abarwanya ubutegetsi bo mu ishyaka rya ‘The Coalition for the New Republic’ bavuze ko ntaho bahuriye n’ihirikwa ry’ubutegetsi.

Umwe mu bayobozi baryo, Paul-Marie Gondjout yavuze ko barimo kubona abasirikare basaka imodoka zinyura mu mihanda minini y’Umurwa Mukuru, Libreville ariko ko bigoye kumenya ibirimo kuba muri rusange.

Ati ” Turabona ahari umutuzo ariko ntituzi ibijya mbere.”

Gondjout yabwiye BBC ko n’ubwo bimeze gutya, igihugu gikeneye umuyobozi bityo ko Visi Perezida yarahira agasimbura Ali Bongo.

Abasirikare bari batangaje ko bahiritse ubutegetsi mu rwego  rwo kugarura demokarasi mu gihugu.

Perezida Ali Bongo yasimbuye se, Omar Bongo mu 2009. Uyu muryango umaze ku butegetsi bw’igihugu gikize kuri peteroli mu gihe cy’imyaka 50.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in World News