Hotel Ubumwe Grande yatejwe muri cyamunara, yegukana n’uwatanze Miliyoni 30

Ubumwe Grande Hotel iri mu Mujyi wa Kigali, yatejwe cyamunara yegukanwa na Sosiyete y’ubucuruzi yitwa Umubano Industries Ltd, itanze  asaga Miliyoni 30 z’amadolari ya Amerika.

Ni cyamunara yabaye kuri uyu wa Mbere tariki ya 24 Ukuboza 2018, Sosiyeti Umubano Industries Ltd yari ihagarariwe n’uwitwa Gasana Hassan ikaba yegukanye iyi Hoteli nyuma yo guhigika abandi bashoramari barindwi bashakaga kuyegukana.

Iyi Hoteli y’inyenyeri Enye yatejwe cyamunara kugira ngo haboneke ubwishyu bw’inguzanyo y’asaga Miliyoni 18 z’amadolari ya Amerika, abubatse iyi hoteli bagurijwe na KCB/ Rwanda, ni agera kuri miliyari 15.8 Frw.

Ubumwe Grande Hotel yari isanzwe ari iya  Alykhan Karmali washinze Mukwano Group; Umuyobozi w’urugaga rw’Abikorera, PSF, Robert Bafakulera n’Ikigo Chaudhary Group (CG Corp).

Igiciro fatizo cyayo cyari Miliyoni 34 053 703 z’Amadorali ya Amerika (30.222.015.696 Frw), Sosiyeti Umubano Industries Ltd ikaba yayegukanye imaze kuyatanga.