Connect with us

NEWS

Madamu Jeannette Kagame yasangiye n’abana, umunsi mukuru wa Noheli

 216 total views,  3 views today

Madamu Jeannette Kagame yasangiye n’abana basaga 200 baturutse hirya no hino mu gihugu umunsi mukuru wa Noheli, mu gihe umwaka wa 2018, uri ku musozo hasatirwa umwaka mushya wa 2019.

Ni umuhango wabaye kuri iki cyumweru tariki ya 9 Ukuboza 2018, muri Village Urugwiro. Akaba yakiriye abana b’ingeri zose, aho babanje kwidagadura nyuma hakurikiraho umuhango wo gusangira.

Abana bidagaduye banahabwa impano zirimo imipira yo kwambara no gukina

Umufasha w’umukuru w’igihugu, yabwiye abana ko iki gihe umwaka uba wenda kurangira, ko aricyo gihe kiza umuntu asubiza amaso inyuma akareba niba yarageze ku byo yari yahigiye kugeraho umwaka ugitangira ndetse akanategura ibyo azahigira utaha.

Ibi kandi yanavuze ko bireba n’abantu bakuze, ati “N’abantu bakuru biratureba, nitugera mu rugo dushake aho twandika umuhigo, umwe tugomba kugeraho buri kwezi, iki nicyo gihe abantu bafatira ingamba basuzuma uko bawusoje, bakanemeza uko bazakora mu ukurikira”.

Yakomeje ababwira ko ibyo bazaba bahize kuzageraho mu 2019, bagomba kuzabifashwamo n’ababyeyi.

Madamu Jeannette Kagame ateruye umwe mu bana basaga 200 basangiye muri ibi birori byabo bisoza umwaka wa 2018
Amafoto agaragaza Madamu Jeannette Kagame yishimanye n’abana ku munsi mukuru wabo usoza umwaka

 

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in NEWS