Connect with us

POLITICS

Nyabihu: Odette wari Umuyobozi w’Urwunge rw’Amashuri rwa Rega ADEPR yabaye Meya w’Akarere

 211 total views,  3 views today

Musabimana Odette wari Umuyobozi w’Urwunge rw’Amashuri rwa Rega ADEPR mu Murenge wa Jenda, yatorewe kuyobora Akarere ka Nyabihu mu gihe cy’inzibacyuho, kuri uyu wa 14 Gicurasi 2018.

Musabimana wari usanzwe ari umujyanama muri Njyanama y’Akarere ka Nyabihu yatowe ku majwi 21 kuri 22 angana na 95.5% y’abatoye. Uyu mwanya yari awuhanganiye na Ntirugirimbabazi Jean Marie Vianney ukuriye Urugaga rw’Abikorera muri Nyabihu wagize ijwi rimwe (4.5 %).

Akarere ka Nyabihu kari kamaze iminsi itatu nta buyobozi gafite kuko abayigize bose beguye mu bihe bitandukanye guhera muri Werurwe 2018.

Ku ikubitiro heguye Mugwiza Antoine wari Umuyobozi w’Akarere ka Nyabihu wungirije ushinzwe Ubukungu, ibaruwa isezera kuri iyo mirimo yayitanze tariki ya 7 Werurwe 2018 n’Umunyamabanga Nshingwabikorwa w’Akarere, Ngabo James, weguye ku wa 17 Mata 2018, bose bavuga ko ari impamvu bwite.

Abaheruka ni Uwanzwenuwe Théoneste wari Meya w’Akarere weguriye rimwe na Visi Meya ushinzwe Imibereho Myiza y’Abaturage muri aka karere, Mukansanga Clarisse, uyu yahise atabwa muri yombi akurikiranyweho ibyaha bifitanye isano n’ingengabitekerezo ya Jenoside.

Biteganyijwe ko mu minsi 90 hazakorwa amatora y’abayobozi b’Akarere.

Musabimana Odette wari uhagarariye Umurenge wa Jenda mu Nama Njyanama y’Akarere ka Nyabihu, yatorewe kukayobora mu nzibacyuho

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in POLITICS