Connect with us

ENTERTAINMENT

Safi Madiba yasohoye amashusho y’indirimbo “my Hero”

 201 total views,  3 views today

Umuhanzi Niyibikora Safi Madiba na The Mane ifite mu nshingano kureberera inyungu ze mu bya muzika bashyize hanze amashusho y’indirimbo ‘My Hero’ bongera gushimangira imbaraga n’umuvuduko udasanzwe uyu muhanzi ari kugenderaho muri muzika amaze gushingamo imizi nk’umuhanzi kugiti cye.

 Kuri uyu wa Gatanu tariki 4 Gicurasi 2018, nibwo uyu muhanzi yashyize hanze aya mashusho y’iyi ndirimbo yatunganyijwe na Nameless Kampos aho benshi mu batangiye kubona aya mashusho ku rukuta rwa YouTube rw’uyu muhanzi bagaragaje ko banyuzwe ndetse bashimira byimazeyo Safi Madiba.

Mu kiganiro na Mupenda Ramadhan uzwi nka Badrama akaba ari nawe muyobozi wa The Mane ifite mu nshingano kureberera inyungu z’abahanzi Queen cha, Marina na Safi Madiba, ubwo yatugezagaho iyi ndirimbo ya Safi yabwiye Ukwezi.com mu ntangiro z’Icyumweru gitaha bafite gahunda yo gushyira hanze indirimbo y’umuhanzikazi Queen Cha, iyi ikaba izasohoka mu buryo bw’amajwi n’amashusho.

Badrama yakomeje avuga kandi ko iyi ndirimbo ya Queen Cha yakorewe mu gihugu cya Uganda aho yakozwe na Nessim mu gihe amashusho yayo yatunganyijwe na Nameless Kampos ari nawe wakoze iyi ‘My Hero’ ya Safi Madiba

Mu bindi bikorwa bya vuba biri gutegurirwa muri The Mane kandi uyu muyobozi wayo yabwiye Ukwezi.com ko mu gihe cya vuba Safi Madiba arashyira hanze indirimbo yakoranye na Raider Man ndetse na Marina akaba yitegura gushyira hanze indirimbo yakoranye na Harmonize wo muri Tanzania, iyi nayo ngo izasohoka mu buryo bw’amajwi n’amashusho

 

Umukobwa ugaragara mu mashusho y’indirimbo ’My Hero’ ya Safi Madiba


Safi Madiba uri gukora cyane muri iyi minsi 

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in ENTERTAINMENT