Byari ibyishimo byinshi mu gitaramo cyamurikiwemo ’The Mane Music Label’ i Musanze

 243 total views,  1 views today

Mu ijoro ryo kuwa Gatanu rishyira kuwa Gatandatu tariki 24 Werurwe 2018, i Musanze habereye igitaramo kimwe mubyo kumurika inzu iteza imbere umuziki Nyarwanda ya The Mane Music Label. Iki gitaramo cyaje kibanziriza ikirabera i Kigali muri Camp Kigali mu ijoro ryo kuri uyu wa Gatandatu.

I Musanze muri Sitade Ubworoherane niho habereye igitaramo cya mbere cyakomwe mu nkokora n’ikirere cyahindutse mu masaha y’umugoroba bigatuma bamwe bikanga imvura bagasa n’abatinya kuva mu ngo zabo berekeza ahabereye iki gitaramo cya mbere muri bibiri byo kumurika inzu iteza umuziki Nyarwanda ya The Mane Music Label iyoborwa na Mupenda Ramadhan uzwi ku izina rya Badrama ikaba ibarizwamo kandi abahanzi Safi Madiba na Marina.

Ahagana saa mbiri z’umugoroba nibwo bamwe mu bahanzi bo mu Ntara y’Amajyaruguru bivugwa ko ari naho uyu muyobozi wa The Mane Music Label atuye, batangiye gususurutsa abantu bari batangiye kugenda baza gahoro gahoro.

Umuhanzikazi Marina ufite ujwi ridasanzwe, abarizwa muri The Mane.

Nyuma y’abahanzi bo mu Majyaruguru biganjemo abakizamuka hakurikiyeho umuhanzi Mukadaff nawe utangiye kugenda yigaragaza mu njyana ya Hip Hop hano mu Rwanda.

Mu bahanzi bafite amazina akomeye hano mu Rwanda babimburiwe na Christopher waririmbye zimwe mu ndirimbo ze zizwi zirimo Agatima n’izindi.

Christopher yamaze kuririmba abashyushyarugamba batanga ijambo ku muyobozi w’Akarere ka Musanze wanashimangiye ko nawe umuziki azi kuwubyina maze atanga ikaze kuri aba bahanzi n’abakunzi b’umuziki bari baje ari urubyiruko ababwira ko bidagadura kugeza igihe bashakiye.

Umuhanzi AmaG yaje mu njyana ya hip hop nawe yongera kwerekwa urukundo rudasanzwe n’ab’ i Musanze. Nyuma ya Rider Man hakurikiyeho King James nawe washimishije abitabiriye iki gitaramo mu ndirimbo ze zirimo izituje yaririmbaga benshi bakagaragaza imbamutima zidasanzwe.

Umuhanzi Safi Madiba wahoze mu itsinda rya Urban Boyz, magingo aya abarizwa muri The Mane

Ahagana Saa Tatu n’igice nibwo umuhanzikazi Queen Cha yageze ku rubyiniro mu mbyino zidasanzwe dore ko yari yaje yitwaje n’ababyinnyi babimufashagamo mu ndirimbo ze zirimo Ishusho y’Urukundo, Alone, n’izindi.

Queen Cha yakurikiwe na Jay C waje aha ikaze umuhanzikazi Marina, umwe mu babarizwa muri The Mane

Marina wari witwaje ababyinnyi barimo inkumi zikaraga ikibuno mu ndirimbo z’uyu muhanzikazi zirimo Like That, Marina. Uyu muhanzikazi yaje gukurikirwa na Rider Man nawe washyuhije abakunzi ba Hip hop nyuma aza guhita ahamagara Safi Madiba baririmbana indirimbo Come back.

Umuhanzi Safi Madiba yagiye ku rubyiniro ahagana Saa 22h30 aririmba indirimbo Come Back afatanyije na Rider Man nyuma akurikizaho iyitwa Nyabarongo, aha naho yahamagaye AmaG aza kuyimufasha dore ko banayifatanyije.

Safi Madiba yafashe umwanya kandi yunamira umuhanzi Mowzey Radio uherutse kwitaba Imana dore ko uyu muhanzi yanakoranye indirimbo n’itsinda rya Urban Boyz, ryabarizwagamo Safi Madiba.

Nyuma yo kunamira Mowzey Radio, Safi Madiba yaririmbye indirimbo ze ahera kuri Fine yakoranye na RayVanny wo muri WCB nyuma akurikizaho indirimbo ye nshya yitwa ’My Hero’ ayikurikizaho iyitwa kimwe kimwe, iyi yo yanahamagaje ababyinnyi baza kuyimufashamo.

Ahagana Saa 23h10 , Umuhanzi Harmonize wari utegerejwe n’imbaga yageze ku rubyiniro maze benshi bamwereka urukundo ndetse baranamushyigikira bikomeye. Yinjiriye ku ndirimbo ye Ayiola imwe muzo benshi bamumenyeyeho.

Yakomeje aririmba indirimbo zirimo, Bado, Matatizo, Happy Birth Day n’izindi. Uyu muhanzi utaririmbye indirimbo nyinshi yasoreje ku ndirimbo ikunzwe muri iyi minsi yitwa 911. Harmonize yamaze kuririmba ahagana Saa sita z’igitondo cyo kuwa Gatandatu tariki 24 Werurwe 2018. Umuhanzi Harmonize waturutse mu gihugu cya Tanzania yerekanye ubuhanga budasanzwe Safi Madiba yishimwe bikomeye ku nshuro ye ya mbere yiyeretse abanyarwanda nk’umuhanzi ku giti cye mu gitaramo gikomeye Umuhanzikazi Marina, Umwe mu bari muri The Mane Music Label, yagaragaje ko ari umwe mu bakobwa bashobora kuzahindura ibintu muri muzika nyarwanda by’umwihariko mu b’igitsina gore Abari bitabiriye iki gitaramo banyuzwe bikomeye n’uburyohe bw’umuziki Umuyobozi w’akarere ka Musanze yahaye umugisha The Mane Music Label 

Leave a Reply

Your email address will not be published. Required fields are marked *