Connect with us

NEWS

LONU mu gufasha u Rwanda gukwiza ingufu z’amashanyarazi kuri buri wese

 276 total views,  3 views today

Intumwa yihariye y’Umunyambanga Mukuru w’Umuryango w’Abibumbye (ONU) ushinzwe gahunda y’ingufu zirambye kuri bose cyangwa Sustainable Energy for All, Rachel Kyte ubwo yakirwaga na Minisitiri w’Intebe Dr. Edouard Ngirente kuri uyu wa gatatu tariki ya 21 Werurwe 2018, yatangaje ko mu Rwanda iyi gahunda ashinzwe igamije yiyemeje gufasha u Rwanda kwesa umuhigo w’icyerekezo rwiyemeje cyo kugeza ingufu kuri buri wese.

Rachel Kyte

Iyi ntumwa yihariye ya Antonio Guterres yavuze ko intego ya mbere y’iyi gahunda ari ugufasha Abanyarwanda kwihaza mu by’ingufu zirambye.

“Njye na Minisitiri w’Intebe twaganiriye kuri gahunda yo kuba mu Rwanda buri wese yakwihaza ku ngufu z’amashanyarazi ku buryo bumworoheye, bujyanye n’ubushobozi bwe, twaganiriye kandi ku ntambwe u Rwanda rumaze kugeraho mu kongera ingufu no guha abaturage amashanyarazi, twavuze ku bijyanye n’ibicanwa ndetse n’uburyo bugezweho kandi buhendutse bwo gutekesha”.

Rachel Kyte yabwiye abanyamakuru ko Umuryango mpuzamahanga witeguye gutanga ubufasha bushoboka bwose ngo Leta y’u Rwanda izagere ku Ntego yihaye.

“Gahunda y’u Rwanda ni uko mu mwaka wa 2024 buri wese azaba abasha gukoresha amashanyarazi, twebwe nk’Umuryango Mpuzamahanga akazi kacu ni ugufasha Leta ku buryo iyi ntego yagerwaho,ubwo ikizakurikiraho ni ukureba uko buri wese yabona ibijyanye n’ibicanwa ku buryo burambye”.

Uyu muyobozi yongeyeho ko ibi bizashoboka hifashishijwe amikoro avuye ahantu hatandukanye harimo nko mu bashoramari bikorera ku giti cyabo, abafatanyabikorwa mu by’iterambere ndetse n’amabanki y’iterambere binyuze mu kwemeranya ku buryo batera inkunga ibihugu bifite imishinga y’iby’ingufu zirambye ikeneye gushorwamo amafaranga.

Ikindi kandi uyu muyobozi yatanze icyizere ko Umuryango Mpuzamahanga witeguye gukangurira abashoramari batandukanye gushora imari yabo mu Rwanda kuko hari amahirwe menshi y’ishoramari mu by’ingufu.

Ibi bitangajwe nyuma y’aho umwaka ushize wa 2017 mu Rwanda hatangijwe umushinga w’ingufu zisazurwa ufite agaciro ka miliyoni 50 z’amadorali.

Kugeza ubu imibare igaragaza ko mu Rwanda abaturage bafite umuriro w’amashanyarazi basaga 28% mu gihe Leta yari yiyemeje ko kuva 2016 kugeza 2018 baziyongera bakagera kuri 70%

Leta y’u Rwanda ifite gahunda y’uko ingufu z’amashanyarazi zizongerwa zikava kuri megawatts 190 zikagera kuri megawatts 563 ndetse ko amasosiyete asaga 17 yamaze kugirana amasezerano na Leta y’u Rwanda kugira ngo akwirakwize mu gihugu ingufu z’amashanyarazi zikomoka ku zuba.

Click to comment

Leave a Reply

Your email address will not be published. Required fields are marked *

Mwamba.rw

Mwamba.rw is website that provides you with the latest Celebrity news, Politics, showbiz especially from  all nation of  E.A.C and all World in General.

More in NEWS